Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Misin judi: 11 tulun tinahan do pulis

MESIN JUDI … M.Chandra (tanga) popokito misin judi ih naahau id karaja ponugkuan dilo. - Foto JIMMY TAN / Sayangsabah
MESIN JUDI … M.Chandra (tanga) popokito misin judi ih naahau id karaja ponugkuan dilo. – Foto JIMMY TAN / Sayangsabah

KOTA KINABALU – Iso kadai papanau karaja minjudi aiso kasagaan id sambalik pongindopuan longkod pomolihisan paganakan, noilaan soira sontinimungan pulis minonugku kadai dilo id Kompleks Karamunsing, di kawawagu.

Boyoon Pulis Watas Asisten Komisioner M.Chandra minoboros do pinapanau o ponugkuan dilo mantad kumpulin tulun ginumuan ih naramit puru kikuasa karait karaja minjudi aiso kasagaan id kadai nokomoi.

“Id ponugkuan pikikiro jam 8.10 totuong tadau ko- 27 tulan Koduo, tinahan do pulis duo kukumaraja om siam palangan kiumur id pialatan 25 gisom 50 toun,” ka disio id pitimungan khabar id Longkod Tupis Pulis Kontinjen Sabah, id Kepayan.

Tumanud disio, id ponugkuan dilo, naahau nogi pulis 14 tinan misin judi kikomputer ih numaan simbanai om tusin soginumu RM1,170.

Ka disio, toinsanan di tinahan tinangayan kuminaa id balai pulis montok ponoriukan potilombus id siriba Seksyen 4B(a) Akta Rumah Judi Terbuka 1953. – Dii NUZIR ANDI SAMSIAR / Sayangsabah

Komen


Berita Berkaitan