Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Misasawo positif dadah wookon di tinahan id Ops Tapis

KENINGAU – Iso misasawo noilaan positif dadah methamphetamine om amphetamines wookon dii tinahan id Ops Tapis pinapanau id posorili kinoyonon Kim Loong om Kampung Karamatoi, Sook.

Boyoon Pulis Watas, Deputi Superitendan Douglas Taong minoboros do id karaja solinaid apat jam dilo, tinahan nogi pulis apat po kawagu ih natandasan nakaampai id kasalaan dadah kiumur id pialatan 26 om 31 toun.

Tumanud disio, miampai natangkap toinsanan natandasan dilo, kikotumbayaan o pulis nakaanu minomoto koulalahon kasalaan dadah id posorili watas diti.

“Mantad kopoilaan tulun ginumuan, pinapanau o karaja diti di jam ko-12 tangaadau gisom jam ko4 sosodopon,” ka disio kumaa maganu habar do hiti.

Id operasi dilo, ka di Douglas, naahau nogi dadah syabu kiwinagat 0.60 gram. Toinsanan di natandasan positif dadah methamphetamine om amphetamines.

Ka disio, soriukon o kiis diti tumanud Seksyen 12 (2) dan 15(1) (a) Akta Dadah Berbahaya ADB 1952. – Dii Kalawon Sawing / SayangSabah

Komen


Berita Berkaitan