Sayang Sabah Facebook

Likes
Sayang Sabah Twitter

11,817

Followers

Sayang Sabah - Portal Berita Negeri Kita

Minkarakata id talun alun tilombuson antaban

12:44am 19/01/2016 Maryann 0 views Abal Kinoyonon,Kinoyonon,Kota Kinabalu

m.chandra
KOTA KINABALU: Tolu koping saman Pol 257 om 30 koping saman 170A pinalabus kumaa mogisuai-suai kasalaan talun alun mamaso OP Samseng Jalanan ih pinapanau id Jalan Coastal, Imago, Jalan Kepayan, Jalan Sulaman om Jalan Lintas – Luyang konihab.

Karaja dilo pinapanau soginumu 17 tulun kosuang songulun tupisor om minamagayat 16 tinan Motokar om 10 tinan Motosikal ih nakasala id siriba Seksyen 81, Seksyen 108 om Seksyen 60 Akta Padsakaian Talun Alun 1987.

Tumanud Boyoon Pulis Watas ACP M.Chandra, tinahan nogi pulis duo kusai kiumur 22 toun id siriba Seksyen 81 Akta Padsakaian Talun Alun 1987 om songulun kusai 19 toun id siriba seksyen 108 Akta Padsakaian Talun Alun.

“Soginumu 28 tinan korita pinorisa , ilo nopo nga 18 Motokar om 10 Motosikal om soginumu 36 tulun pinoisa, ilo nopo nga 30 kusai om onom tondu. Mantad ginumu dilo 29 tulun tinangayan id raan Narkotik IPD Kota Kinabalu montok poniisan sobu. – Dii Leolerry Lajius/Sayang Sabah.

Apa Komen dan Pendapat Anda

Artikel Berkaitan