Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mingisom o porinta popoingkawas tolu ahal tagayo pogun: Musa

YU SENG…. Musa (tanga) miampai di Salleh om TC Goh om nogi tombuliu suai popirolot taakanon koubasanan Sina Yu Seng’. – foto Sayangsabah
YU SENG…. Musa (tanga) miampai di Salleh om TC Goh om nogi tombuliu suai popirolot taakanon koubasanan Sina Yu Seng’. – foto Sayangsabah

KOTA KINABALU – Boyoon Montiri Datuk Seri Musa Aman minanahak jominan do kasasari porinta pogun mingisom mogintong kotilombus koingkawas ekonomi, politik om koburuon mogigion mogisuai-suai tinaru om ugama id pogun diti.
“Kasasari porinta mingisom popogirot om popoingkawas po kawagu ahal tagayo nokomoi kosuang nogi kouludan om kotanangan mogigion pogun diti,” ka disio.
Minoboros isido miagal dilo id boboroson dau id Ababayan Makan Totuong “Pesta Ang Pow” kopihondot karamaian Toun Wagu Sina id Dewan Hakka, Tanjung Lipat hiti di tadau Koiso.
Sabap dilo ka disio nunu nopo laang di kaanu manahak waya amu osonong kumaa piuludan om kouludon mogigion apatut alaian montok papaanu kotilombus kotundaan pogun diti.
Ka di Musa, amu insan o porinta pogun monolikud isai-isai tinaru om ugama id suang papanau ababayan kotundaan pogun.
“Minoposodia o porinta kousinan montok potikidon dilo sikul om walai sasambayangan mogigion okon ko Islam id Sabah.
“Iti noh kokitanan songkuro ginayo pingisaman om kinopuhangon porinta mogintong katahak ngawi nunu nopo koporluan do rayat kopiagal slogan 1Malaysia,” ka disio.
Minokianu nogi isido kumaa mogigion tinaru Sina do tumilombus manahak sokodung kumaa porinta do popomogot pogun diti.
Id ababayan dilo, pinoumum di Musa toluod soginumu RM100,000 montok Gabungan Persatuan Cina Sabah.
Wookon tulun tapantang di nokorikot, Speaker Walai Koundangan Pogun Datuk Salleh Tun Said, Montiri id Koupisan Luguan Montiri Datuk Mah Siew Keong, Kumoduo Boyoon Montiri Datuk Raymond Tan, Montori Kotombuluian, Koubasanan om Ahal Misorili Datuk Masidi Manjun, Montiri Kotundaan Labus Kakadaian Datuk Radin Malleh om Montiri Karaja Poimbida Datuk Teo Chee Kang Pembantu Menteri.
Nokotindapou nogi Konsul Jeneral China id Sabah, Chen Peijie. – Dii NUZIR ANDI SAMSIAR / Sayangsabah

Komen


Berita Berkaitan