Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mimparagat potunda pongindopuan: Musa

27MUSA PKS
KOTA KINABALU: Tongo pongusaha Porusahaan Tokoro om Osuhatan (PKS) apatut lobi mimparagat id suang potunda om pomogot pongindopuan toiso-iso diolo, ka di Boyoon Montiri Sabah Datuk Seri Panglima Musa Haji Aman.

Ka disio, siktor PKS nopo nga siktor di kosuul om kitonggungan tagayo montok potunda pongindopuan om ikonomi pogun.

“PKS nopo nga iso komponen di kosuul id suang kotundaan ikonomi tokou sabap siktor diti manahak sokodung tagayo mantad posodia karaja, momoruhang ikonomi, pandpatan pogun, ekport pogun om palabus mogindapu ngawi.

“Siktor PKS mositi lobi miala om lobi kaanu papanau tonggungan di lobi aparagat montok poingkawas pandapatan pogun om monguhup poingkawas ningkokoton koposion mogigion om mongindapu,” ka disio.

Minoboros isido miagal dilo soira minanahak boboroson id ababayan kopotimpuunan Showcase om Sominar PKS kopihondot Minggu PKS Sabah 2016 id Longkod Pidagangan Sabah, do hiti di konihab.

Boboroson disio pinolombus di Monguhup Montiri Kotundaan Pomorunan, Datuk Bolkiah Haji Ismail.

Minongunsub nogi ih Musa kumaa mongusaha ngawi PKS do maganu kosiwatan momoguno komudahan sakadai porinta montok potunda pongindopuan toiso-iso diolo. – SayangSabah

Komen


Berita Berkaitan