Sayang Sabah Facebook

Likes
Sayang Sabah Twitter

11,800

Followers

Sayang Sabah - Portal Berita Negeri Kita

Miiso potimporon kotoronongon om kosimbayanon pogun

10:58pm 20/02/2016 Maryann 2 views Abal Kinoyonon,Kinoyonon,Tawau

hamisa
TAWAU: Monguhup Montiri Kotundaan Tadon om Komogoton Tiknologi Kointalangan Datuk Hamisa Samat minoposorou kumaa toinsanan rayat pogun nditi mooi tumilombus do miso montok potimporon kotoronongon om kosimbayanpn pogun diti.

Ka disio, kopogisuai-suaian do tinaru om ugama id poun diti amu insan mangantob do rayat dau tutmilombus momurimon kosimbayanon koposion.

“Kopogisuai-suaian dilo nosiliu tadon kopongunsub do rayat Malaysia tumilombus miiso om misokodung montok manahak pogintangan Malaysia kotilombus osimbayan om otoronong,” ka disio.

Minoboros isido miagal dilo id ababayan Walai Poingukab Toun Wagu Sina 2016 pinaanjur do Komuniti 1 Malaysia Taman Hill Top, do hiti di kosodop.

Hamisa ih ponogi Adun Tanjung Batu minoboros do piuludan nopo nga tadon do kosimbayanon om kotoronongon toiso-iso pogun.

“Maya ababayan om karamaian miagal Tadau Kaamatan, Hari Raya, Toun Wagu Sina, Krismas om karamaian ngawi do suai, kaanu tokou patanom om posindak piuludan togirot id tanga mogigon mogisuai-suai tinaru om ugama.

“Koubasanan paharo walai poingukab id pogun diti monikid timpu karamaian miagal Hari Raya toi ko Toun Wagu Sina toi ko Krismas kaanu manahak kosiwatan kumaa rayat mogisuai-suai tinaru do rumamai om mogiintutun tiso om tiso,” ka disio. – SayangSabah

Apa Komen dan Pendapat Anda

Artikel Berkaitan