Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Miiso montok kosimbayanon mogigion kampung

tenom
TENOM: Puru Parlimen Tenom, Datuk Raime Unggi mokianu kumaa mogigion kampung mooi miiso om miuhup montok kosimbayanon do kampung.

Ka disio, id toiso-iso kampung mositi haro kopomuruanan tosonong mantad molohingkon kampung, ponorikohon JKKK om puru komiti kampung miampai mogigion di suai.

“Iti noh ih manantu toiso-iso kampung id kowowoyoon oulud, osimbayan om kotunda potilombus manahak kosuulon kumaa toinsanan mogigion kampung dilo,” ka disio.

Minoboros isido miagal dilo soira minopotimpuun Ababayan Gotong-Royong Momuruan Miampai Mogigion id Kg.Abul, Kemabong, do hiti di kawawagu.

Tumanud dii Raime, kowowoyoon pulitik id pogun diti do babaino nokito ogumu pogumbalan sabap mogigion nakaanu mogisuai-suai kointalangan mantad puru pointantu kosuang paparaat do porinta.

“Sabap dilo kada kou oruhai oimbayaat toi ko otumbayaan nunu nopo pongunsub tangaraat mantad puru susumaap sabap porinta kasasari mingisom manahak ponguhupan kumaa rayat,” ka disio. – Dii Kalawon Sawing/Sayangsabah

Komen


Berita Berkaitan