Sayang Sabah Facebook

Likes
Sayang Sabah Twitter

11,689

Followers

Sayang Sabah - Portal Berita Negeri Kita

MH370: Aiso komoyon tumingkod lumansan montok paganakan

7:19pm 08/03/2016 Maryann 0 views Abal Kinoyonon,Kinoyonon,Kota Kinabalu

mh370-600x367
IPOH: Tadau bainoo nogonop noh duo toun kinatagakan kapal Malaysia Airlines podtuludan MH370, nga nasipp do kapal dilo om toinsanan poinsakai miampai tanak kapal kakal nosiliu ponguhatan.

Sundung do ingkaa, montok puru paganakann, aiso komoyon do tumingkod lumansan, insan po di tumingkod do magandad songulun koupusan mantad rumikot id toguang mato.

Miagal di tina do suai, Lai Chew Lai,84, pointatap sotia magandad om sumambayang mooi kapal MH370 ih mogowit tanak dau Tan Ah Meng, 46, sumondot montok mongidu langad.

“Gisom baino, kakal agayo kalansanan ku kaanu mintong do tanak ku sundung id nunu nopo kowowoyoon,” ka disio soira rinuba do Bernama id walai disio id Taman Kantan Baru, Chemor do hiti di kawawagu.

Tumanud dii Lai, asaru isido koipi di tanak dau muli id walai miagal aiso nunu nunu naantakan.

Songulun tanak dii Lai ih ointutunan sabaagi Tan minoboros do, isido om puru paganakan di suai kasasari mingisom montok mogintong kopio otood o tina dau om alansan haro ‘kosunduon’ aantakan amu alaid mantad baino.

Tan sinakai kapal MH370 miampai sawo dau Huang Hsiu Leng, 48, songulun rayat Taiwan om tanak kusai diolo, Tan Wei Chen, 19.

Kalap Boeing 777 Podtuludan MH370 id tindalanon kumaa Beijing miampai 239 poinsakai om tanak kapal natagak minsusuab tadau ko-8 tulan Kotolu 2014, kalapas nokotulud mantad Sosondoton Kapal Tutumulud Sompomogunan Kuala Lumpur (KLIA). – BERNAMA

Apa Komen dan Pendapat Anda

Artikel Berkaitan