Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

MESEJ kaanu poingkawas pandapatan mogigion: Musa

musa
SIPITANG: Soginumu 33 tulun tutumanud mosikin kopio ih nokorijistor id siriba e-Kasih poiyonon om pakarajaon id Mini Estet Sejahtera (MESEJ) Banting ih tanaman do paisau sawit kiginayo lobi kurang 98 98 hektar.

Boyoon Montiri Sabah Datuk Seri Panglima Musa Hj. Aman minoboros do MESEJ Banting nopo nga iso porojik kotundaan ih pinapanau do porinta pogun montok monguhup mogigion di amu kamampu.

“Porojik diti nopo nga iso laang momuunso komosikinan om popoidu mogigion mantad mosikin potilombus manahak kosukupan tiyonon kumaa mogigion nokomoi,” ka disio.

Minoboros isido miagal dilo soira minanahak boboroson id ababayan kopotimpuunan MESEJ Banting om Panahakan Geran Komunal Kampung Iburu id Kampung Banting, do hiti di baino.

Tumanud di Musa, porojik miagal dilo okon nopo ko papanahon id toiso-iso kinoyonon nga populion poimpuli pogun Sabah do potilombus montok mogintong kopio tinimungan mogigion mosikin kopio kaanu kosimbayanon koposion.

Karait panahakan do garan komunal, ka disio, panahakan do garan dilo kumaa mogigion kampung soginayo 2400 ekar kaanu manahak kosuulan kumaa Tanak Pogun Sabah om potimporon do tana id kinoyonon dilo potilombus manalasai kobolihangkangan pionsitan upalai atna montok kotundan. – Dii Leolerry Lajius/Sayang Sabah

Komen


Berita Berkaitan