Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Media kitonggungan tagayo manakadai porinta gumompi pisompuruan

MEDIA KURUP
KOTA KINABALU: Tongo media kitonggungan tagayo manakadai do koporintaan, gumompi, mamantod om popotindohoi pisompuruan nasional, ka di Montiri Id Koupisan Luguan Montiri Tan Sri Joseph Kurup.

Mantad dilo, minokianu isido do puru ngawi media massa om elektronik, lolobi kopio id pogun Sabah mooi do tumilombus monoguang karaja tososondiri papalabus habar di kaanu manakadai om mamantod pisompuruan do rayat amu monutun tinaru om ugama.

“Kasasari do koporintaan manahak pomuginawaan kumaa doid laang provokasi do bohogian ngawi pointantu i mumbal lumisok id tohuri do tinan okon koporintaan (NGO) montok popoimbulai karaatan kumaa ugama om tinaru.

“Sokiro nung ahal diti amu salasaion miampai pointunud, kopoimbulai karaaton id tanga tulun ginumuan,” ka disio.

Minboros isido miagal dilo ontok pinolombus pason id ababayan karamaian Toun Wagu Sina Media miampai di Montiri Id Koupisan Luguan Montiri, id Le Meridien, do hiti di sodop tadau Kolimo.

Minoboros i Kurup do amu aanu olimon do haro wookon media papalabus ahal amu osonong i poposoogi karaatan om popoimbulai kototogod do rayat kumaa koporintaan toi ko momuruan toi ko bohogian pointantu.

“Waya potilombus dilo kopoimbulai kopurimanan amu osonong id media sosial,” ka disido.

Mantad dilo, minonuhu isido kumaa tongo media mooi do amu poruput toi ko manahak kapahabaran kumaa sombohogian kopoilaan om provokasi mantad do tinimungan pointantu. – SayangSabah

Komen


Berita Berkaitan