Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

MBS om kotinanan gabungan dau nakaramit “durian runtuh” mantad porinta pogun

Tawfiq Abu Bakar Titingan (gibang) miampai puru ngawi MBS om kotinanan gabungan dau id ababayan panahakan geran id KBS, kosuabon baino.– foto Jimmy Tan
Tawfiq Abu Bakar Titingan (gibang) miampai puru ngawi MBS om kotinanan gabungan dau id ababayan panahakan geran id KBS, kosuabon baino.– foto Jimmy Tan

KOTA KINABALU – Soginumu 14 kotinanan komulakan id pogun diti nakaramit soginumuu RM2.190 riong mantad RM3.45 riong geran kousinan i pinosodia porinta pogun maya Komontirian Komulakan om Sipoot Sabah (KBS) toun diti.

Geran dilo pinatahak kumaa kotinanan nokomoi i ponogi puru Gabungan Kounsil Komulakan Sabah (MBS) om kotinanan id siriba MBS Sabah.

Montiri Komulakan om Sipoot Pogun Datuk Tawfiq Abu Bakar Titingan minoboros do osonong nasip MBS om gabungan dau sabap nakaramit soginumu geran kousinan miagal dilo montok tujuan kotundaan komulakan mantad porinta pogun.

“Id suang kowowoyoon ikonomi di amu manantu do babaino diti, kousinan di naramit diolo toun baino nokoingkawas sokiro piagalon di toun nakatalib.

“Sabap diti, alansan oku moi ababayan di mangan papanaho do MBS kaanu manahak kosuulan kumaa tinimungan nakaampai,” ka disio soira minanahak boboroson kumaa MBS om gabungan dau id ababayan panahakan garan kousinan id komontirian dilo, hiti di baino.

Id ababayan dilo, nakaramit o MBS geran soginumu RM850,000 toun diti, ilo nopo nga nokoinsawaat limo pihatus montok manampung balanja ababayan id tanga puru gabungan dau. – Dii Sitti Nor Azizah Talata / SayangSabah

Komen


Berita Berkaitan