Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mato balajaran Boros Kadazandusun potilombuson id SK Sungai Sapi – Potunud Balajaran Sabah

JAME 13
KOTA KINABALU, 12 Feb : Ponudukan mato balajaran Boros Kadazandusun kakal potilombuson id Sikul Kabansaan Sungai Sapi Beluran om amu alanan dilo boros Arab migal di nokosibar id media sosial, ka di Potunud Koupisan Balajaran Pogun Sabah (JPNS) Datuk Jame Alip.
Ka disio, oruol ginawo JPNS dilo ponibaran habar miagal dilo id media sosial.
Ka disio, boros Arab tinimpuunan pinaajar id sikul nokomoi di tulan Koiso nakatalib o ilo nopo nga mato balajaran elektif montok susumikul Toun Koiso noh om mato balajaran boros Kadazandusun montok Toun Koduo gisom Kolimo.
Sikul nokomoi haro soginumu 102 susumikul om 29 mantad diolo nopo nga maganu mato balajaran boros Kadazandusun ih kakal potilombuson potudukon id sikul nokomoi, notimpuunan pinotuduk di toun 2011,” ka disio kumaa maganu habar id Wisma Balajaran hiti di kawawagu.
Tumanud di Jame songulun mongingia ih kitoilaan id boros Kadazandusun mangan poiyono id sikul nokomoi sabagi pomoruhang duo mongingia boros Kadazandusun, ih hilo mantad.
“Duo mongingia dilo mangakun do amu koilo kopio boros Kadazandusun sundung do nakatanud do kurusus boros dilo solinaid duo minggu sabap koduo-duo diolo mantad tinaru Dusun Tatana om Dusun Labuk,” ka disio.
Tumanud disio, gisom baino soginumu 200 tulun mongingia kitoilaan id boros Kadazandusun id pogun diti om ginumu dilo kakal amu kabagal do manampung koporluan mongingia boros nokomoi montok toinsanan lobi 17,000 susumikul ih maganu do mato balajaran nokomoi. – BERNAMA

Komen


Berita Berkaitan