Sayang Sabah Facebook

Likes
Sayang Sabah Twitter

11,786

Followers

Sayang Sabah - Portal Berita Negeri Kita

Manambarana, susuminding kinoyonon tinolungku 20 toun

11:29am 17/03/2016 Maryann 1 views Abal Kinoyonon,Kinoyonon,Kota Kinabalu

mahkamah 2
KOTA KINABALU: Songulun susuminding kinoyonon tinolungku 20 toun om 10 soputon kalapas minangakun kasalaan manambarana tanak sondiri.

Hakim Kuut Sesyen Ainul Shahrin Mohamad minaparatu hukuman kumaa kusai kiumur 44 toun dilo dinawa minambarana tanak tondu kiumur 20 toun id iso lokusop pamansaian korita id Kampung Keliangau, Menggatal, jam 9 totuong, tadau ko-25 tulan Koduo nakatalib.

Ih natandasan dinawa tumanud Seksyen 376(3) Kanun Keseksaan.

Mantad ponoriukan tosopung noilaan do ih natandasan minambarana mungui id timpu, kinoyonon om tadau kinaantakan.

Mungui modosi om natakan sabap pogulu dilo ih natandasan minambarana dau mantad podii kiumur 13 toun.

Modosi ih mungui momisunud kumaa tina om pulis sabap ih ih natandasan mongugut do mangamal tina om tadii di mungui.

Mungui minogidu mantad walai di tadau ko-28 tulan Koduo nakatalib jam 7 totuong om minooi id walai Good Shephard Services (tampat kabajikan koonduan om komulakan) id Likas. Mantad koinalangan dilo, ih natandasan ginakom jam 1.45 sosodopon, tadau ko-2 tulan Kotolu nakatalib.- SayangSabah

Apa Komen dan Pendapat Anda

Artikel Berkaitan