Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Manakau: Tondu kinoyonon dinanda om tolungku

mahkamah 2
KOTA KINABALU: Songulun tondu kinoyonon tinolungku tolu tulan om danda RM200 toi ko tolu minggu tolungku sabap kasalaan manakau.

Nurul Haziqah Ramli, 24 miampai duo tulun tambalut dau ih kakal poingabas, minomonsoi kasalaan dilo id Kadai Guardian, Pasar Raya Giant, Kingfisher, Inanam, jam 12.55 pitangaadau, ko-30 tulan Koiso nakatalib, minanakau mogisuai-suai kakamot sinanganu do kadai Guardian dilo.

Wookon nopo kakamot di pinanakau nga tolu butul ponusi turos Mens’s Biore, 13 butul ponusii turos Mens’s Biore (50 gm tiso), walu butul Rexona, tolu butul Garnier Brighthening Foam om duo butul Garnier Brightening Scrub.

Nurul hinukum id siriba Seksyen 380 Kanun Keseksaan om binasa miampai Seksyen 34 id siriba Akta di miagal ih poontok hukuman tolungku gisom 10 toun om danda. – SayangSabah

Komen


Berita Berkaitan