Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Manakau lotirik oontokon do laang undang-undang

esscom-sesb

SANDAKAN – Manakau kosukupan lotirik kotoguang laang undang-undang id siriba Seksyen 37(3) Akta Bekalan Elektrik 1990 sokiro oilaan kasala id karaja dilo.

Potunud Kinoyonon Tisan Kotonobon Sabah Suruhanjaya Tenaga, Nazlin Ab. Alim Sidiki minoboros do laang dilo kaanu mangantob pongoputan lotirik aiso kasagaan lolobi id Kota Kinabalu om watas-watas id Tisan Kosilahon Sabah.

Maya karaja miuhup dii mangan papanaho miampai piro-piro puru suai, alansan tokou kaanu mamadawa diolo ih noilaan kaampai id suang pongoputan aiso kasagaan.

“Aantaban tokou karaja diti om potilombus mangalai koligaganan miagal di naantakan kumaa puru bomba di kawawagu,” ka disio kalapas Mitingan Koordinasi Karaja Miuhup Mangantob Pongoputan Lotirik Aiso Kasagaan id Dewan Masyarakat Sandakan di songkonihab.

Karaja miuhup dilo pinapanau do Suruhanjaya Tenaga miampai Kinoyonon Koumoligan Tisan Kosilahon Sabah (Esscom), PDRM, SPRM, SESB, Kounsil Kakadaian Sandakan, Koupisan Imigresen om nogi Koupisan Waig.

Daamot dilo, Komander Esscom, Dato Abd Rashid Harun minoboros do puru disio mogintong kopio ahal diti om manahak ponguhupan poimponu poompus koindalan o karaja diti. – Dii AA / SayangSabah

Komen


Berita Berkaitan