Sayang Sabah Facebook

Likes
Sayang Sabah Twitter

11,735

Followers

Sayang Sabah - Portal Berita Negeri Kita

Mamanaau gakod napatai nalangar Proton Wira

1:38pm 30/03/2016 Maryann 0 views Abal Kinoyonon,Kinoyonon,Kota Kinabalu

maut
KOTA KINABALU: Songulun mamanau gakod noiduan ginawo nalangar iso korita Proton Wira id Jalan Tuaran Bypass, poinsomok Restoran KFC, sosodopon tadau Koiso.

Munggui Siti Noraidah Binti Sartuo, 21, susumikul mantad Tawau noiduan ginawo id tampat kinaantakan sabap noindamaan nosindualan kalapas nalangar korita dilo mamaso tinalib id talun-alun.

Boyoon Pulis Watas ACP M.Chandra minoboros do mantad ponoriukan tosopung id tampat kinaantakan, noilaan do koligaganan dilo naantakan soira ih korita Proton Wira mantad Tuaran id tindalanon kumaa Kota Kinabalu, soira nokorikot id tampat kinaantakan, nakalangar songulun tondu mamanau gakod mamaso tumalib talun alun.

“Sabap dilo, ih mungui nosindualan om noiduan ginawo id tampat kinaantakan. Ih papanau korita turut minooi id Balai Polis Trafik momonsoi ruputan,” ka disio.

Mantad ponoriukan, noilaan koligaganan dilo mantad koolingon di mamanau gakod soira tumalib talun alun. Tampat dilo okon ko wayaan montok mamanau gakod. Kiis soriukon id siriba Seksyen 41 (1) Akta Padsakaian Talun Alun 1987.- Dii Leolerry Lajius/Sayang Sabah

Apa Komen dan Pendapat Anda

Artikel Berkaitan