Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mamadawa minonompon kiis miampai amu minomolohou sasi tagayo

tanduo
KOTA KINABALU: Puru mamadawa id bisara kiis ponoruangan Lahad Datu notutupan toi ko nosompon kiis konihab miampai amu minomolohou sasi tagayo dau.

Kumoduo Mamadawa Tagayo Mohd Dusuki Mokhtar minoboros do puru mamadawa amu nakaanu minogihum dii tupisor raan poimbida (SB) ih nokopinsin, SAC Zulkifli Abd Aziz, ih kitonggungann kosuul id rundingan miampai di monoruang kampung Kampung Tanduo, Lahad Datu.

Puru mamadawa haro timpu gisom konihab do momolohou dii Zulkifli, ih pakaraja sabaagi Kumoduo Potunud Raan Poimbida Sabah mamaso ponoruangan dilo nga minapatahak duo sasi montok manahak kointalangan karait pingisaman mogihum tupisor pulis nokopinsin dilo.

Koperal Muhammad Firdaus Jaimun mantad Unit D5 Koupisan Ponoriukan Kasalaan Tawagat Sabah minomisunud do kuut, sinuhu isido dii tupisor id sawat dau DSP Ang Seow Aun tadau ko-1 tulan Kohopod toun nakatalib do patahak sapina kumaa dii Zulkifli.

“Sinuhu oku dii DSP Ang mongoi id walai kinumbur koduo, tingkat 1, Blok B, Cyber City Apartment 1 montok mogihum dii SAC Zulkifli.

“Soira nokorikot id alamat dilo, umbalai ku daa minongotuk om minomolohou ngaran dii SAC Zulkifli, nga aiso sombar,” ka disio. – BERNAMA

Komen


Berita Berkaitan