Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Malim Gunung tumanud ralan sondiri mogihum kaakan-akanon

malim gunung

KUNDASANG – Toinsanan malim Gunung Kinabalu osomok 300 tulun om natagakan tadon pogihuman kousin-usinan sasabap kinaantakan noguyu tana di tadau ko-5 tulan Koonom nakatalib tumanud ralan sondiri mogihum kaakan-akanon montok momonu kosukupan paganakan.

Ponorikohon Kotinanan Malim Gunung Kinabalu Richard Soibi minoboros do Taman Kinabalu ttinutuban kumaa tinsanan ababayan mindakod sasabap kinaantakan noguyu tana 5.9 skala Richter.

Tumanud disio, haro nogi malim ih kumaraja sondiri miagal mananom do rarapaon om haro nogi kumaraja momorisi parit om mogisuai suai po karaja ih kaanu manahak tusin.

“Mimang notigaan iyahai sabap natagakan tadon pogihuman do tusin. Kuroyon podii. Okon ko iti pinokianu dahai nga pinatantu minamangun.

“Daamot magandad oukaban kawagu Taman Kinabalu montok ababayan mindakod, toinsanan malim minsondiri sondiri nopo mogihun kousin-usinan,” ka disio kumaa Bernama.

Soira nuhot karait pomusarahan sokiro haro puru manahak diolo karaja ddaamot magandad oukaban ababayan mindakod Gunung Kinabalu ka di Richard: “osonong kopio.

Mantad kinaantakan noguyu tana, Malim Gunung Kinabalu nakaramit mogisuai suai sakadai kosuang nogi tusin pinatahak tulun ginumuan, kotinanan okon ko porinta om badan-badan korporat.

Iso mantad dii minanahak toluod dilo nga Biro Kebajikan UMNO Malaysia ih minapatahak sakadai tusin soginumu RM561,000 kumaa pikikiro 252 Malim Gunung Kinabalu montok papagaan tingorit kousinan diolo solinaid tolu tulan daamot magandad oukaban kawagu ababayan mindakod. – BERNAMA

Komen


Berita Berkaitan