Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Malaysia momoguno 60,000 akauntan kikomilaan

musa-akauntan
KOTA KINABALU: Id suang tumoguang kowowoyoon ekonomi di ogumu pogumbalan, karaja sabaagi akauntan tuturus nosiliu torigi pogun montok tumoguang kowowoyoon dilo.

Boyoon Montiri Sabah Datuk Seri Panglima Musa Hj. Aman minoboros do koporintaan pisompuruan kirikoton do Malaysia momorlu sokuri-kuri 60,000 akauntan kitoilaan sokiro tumilombus mamagampot ningkokoton pogun kipandapatan takawas maya ababayan Transformasi Ekonomi om Palan Malaysia ko-11.

“Gisom baino, ginumu di pinosurat do Longkod Akauntan Malaysia nopo nga lobi kurang 32,000 tulun.

“Nosunudan oku do ginumu akauntan kitoilaan id Sabah nopo nga lobi kurang 1,100 tulun om iso sopotolu mantad ginumu dilo nopo nga puru Kotinanan Akauntan Bertauliah Berkanun (ACCA),” ka disio soira minanahak boboroson kouliton toun ko-25 ACCA Sabah id Shangri La Tanjung Aru Resort and Spa, do hiti di kosodop.

Minoboros ih Musa do karaja sabaagi akauntan nga kitonggungan kosuul monok madtamong kosuulon ginumuan om potimporon kotumbayaan tulun ginumuan id suang siktor pongindopuan.

Ka disio, Sabah tumilombus mingisom do mamagampot aspirasi ih nosorisid maya Koridor Kotundaan Sabah om Ababayan Transformasi Ekonomi.

“Montok mamagampot koduo-duo ahal dilo, momorlu piuhupan mantad toinsanan mogigion montok miuhup do toilaan montok papaanu agampot angkab-angkabon,” ka disio.

ACCA nopo nga iso kotinanan sompomogunan professional akauntan miampai 178,000 puru om 455,000 tulun susumikul mantad 181 pogun om tinuridong id Malaysia di toun 1946. – Leolerry Lajius Sayang Sabah

Komen


Berita Berkaitan