Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Mahathir minaganu laang pointopot tumongkiad Umno: Salleh

10:25pm 01/03/2016 Maryann 0 views Abal Kinoyonon,Kinoyonon,Kota Kinabalu,Pulitik

salleh mahathir
KUALA LUMPUR: Tun Dr Mahathir Mohamad minanganu laaang pointopot soira sinoliwan isido mantad Umno, ka di Montiri Piromutan om Multimedia Datuk Seri Dr Salleh Said Keruak.

Minoboros isido do laang dilo sabaagi pilian tosonong montok dii Dr Mahathir “sabap piromutan disio om Umno toi ko momuruan dau amu nodii aanu patahanon”.

Maya sinuratan kawawagu id laman blog dau tadau baino minoboros ih Salleh do: “Laang dii Dr Mahathir manahak waya kumaa paati om okito amu kangaam sokiro tumilombus isido id suang do paati, om id timpu dilo, sumaap do paati.

“Sokiro ih Dr Mahathir tumilombus sumaap do Umno, om tumilombus isido miagal dilo id labus do Umno. Ilo nopo nga kowowoyoon tosonong om etika montok wonsoion,” ka disio.

Ka dii Salleh iti nopo nga kointolu noh dii Dr Mahathir tinongkiad do Umno. Kumoinsan nopo nga soira isido pinoidu di porosidin paati mamaso dilo Tunku Abdul Rahman.

Linabus isido mantad Umno toun 2008 soira ih Tun Abdullah Ahmad Badawi minomuruan do paati dilo.

Minoboros ih Salleh do oruol ginawo disio kinaantakan do babaino diti, okon koi sabap dii Dr Mahathir do tinongkiad Umno nga sabap kowowoyoon kinosoliwanon dau. – BERNAMA

Apa Komen dan Pendapat Anda

Artikel Berkaitan