Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Mah: Kada siliho pulitik ahal pogun

mah
KOTA KINABALU: Tongo lalansanon do rayat pinosorou mooi manalasai ahal di nokoimbulai id pogun diti miagal kinoingkawason kos koposion do rayat om amu posiliu ahal dilo sabaagi iso ahal pulitik, ka di Dato’ Mah Siew Keong.

Porosidin Parti Gerakan dilo minoboros do paati dilo minapatahak piro-piro memorandum kumaa porinta onom tulan nakatalib.

“Memorandum nopo dilo nga karait poingkuro tokou (Gerakan) kaanu monguhup do rayat poingkawas ekonomi diolo, mogintong kinoingkawason kos balanja kopoposion … mingisom nogi yahai monguhup mogigion pogun diti lolobi tulun nolohing ih kakal amu haro kad kointutunan,” ka disio.

Minoboros isido miagal dilo kumaa maganu habar kalapas ababayan walai poingukab pinaanjur do Parti Gerakan Sabah id Hotel Hyatt Regency, do hiti di baino.

Alansan ih Mah toinsanan mogigion toi ko lalansanon do rayat miampai amu monutun do paati pulitik mooi kaanu manahak ponguhupan poingkawas ikonomi pogun.

Ababayan dilo notindapou di Boyoon Montiri Sabah, Datuk Seri Panglima Musa Aman, Montiri Kotombuluian, Koubasanan om Ahal Posorili Datuk Masidi Manjun, Montiri Kotundaan Pomorunan, Datuk Raymond Tan Shu Kiah om Kumoduo Monunurat Parti Gerakan, Datuk Gordon Leong Vui Cheung. – SayangSabah

Komen


Berita Berkaitan