Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Luyud: Porinta Longkod monguhup momonsoi walai di noindamaan naraag – Muhyiddin

TAN SRI MUHYIDDIN YASSIN
BEAUFORT – Porinta Longkod maya Komontirian Kesejahteraan Bandar, Pomuwalaian om Porinta Kinoyonon om nogi Koupisan Karaja Tagayo (JKR) mongira ginumu walai di naraag sasabap luyud do wonsoion maya kuntiriktor di pinili toi ko wonsoion maya pogiuhupan.

Kumoduo Luguan Montiri Tan Sri Muhyiddin Yassin minoboros do walai di sombohogian noh naraag mangan insanangai miampai kos RM5,000 om RM10,000 tiso, om walai di noindamaan naraag mangan wonsoio kawagu.

“Manahak o porinta sakadai kumaa momutanom di naraagan doo tanom-tanom om natagakan do tayam ngawi diolo gagama luyud. Mogisuai-suai puru popoolos tusin poinsodia manahak ponguhupan mogindapu tongokoro ih nokotoguang do luyud miampai papatahak paalasan aiso bunga,” ka disio.

Minoboros isido miagal dilo kumaa manganu habar kalapas minongoi tombului mungui luyud id Membakut di kawawagu.

Ka di Muhyiddin, kasasari porinta poinsodia tumoguang korumbakan sandad miagal do luyud om mogintong kopio toinsanan rayat kaanu gogompi di mogiagal id tiso o miso pogun.

“Sakadai tusin montok luyud soginumu RM500 montok toiso-iso paganakan nga mangan nogi patahako id Sabah,” ka disi om minoboros do pambbarayan osisikap dilo mangan papanaho kalapas asalasai porijistaan mogigion dii noindamaan do luyud.

“Toinsana mogigion nga alayakk (mamaramit sakadai RM500) amu intangan ih nokoundaliu toi ko amu nokoundaliu id longkod poundolihan,” ka disio.

Komen


Berita Berkaitan