Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Luyud i naantakan id duo watas id Sabah nosurut noh

tun juhar-pairin

KOTA KINABALU – Duo watas id pogun diti, Tenom om Beaufort ih noindamaan naantakan do luyud solinaid tolu tadau nakatalib do babaino diti nokosonong nodii om toinsanan mogigion dii naantakan do luyud ginuli id walai diolo om longkod poundolihan nga sinompon ngawi.

Boyoon Montiri Datuk Seri Musa Aman minoboros do kinaantakan luyud id watas dilo piro-piro tadau nokoinsonong nodii lolobi id kakadaian om kampung-kampung ih pogulu diti noindamaan nalampaian do waig.

“Songkosodop, nonuan oku kointalangan toniba mantad Ponorikohon Bencana Alam Pogun, Tan Sri Sukarti Wakiman, luyud nga nokosurut noh om mogigion kampung dii naantakan do luyud nga nokouli noh id walai diolo,” ka disio.

Minoboros isido miagal dilo kumaa maganu habar soira minongoi tindapou id Walai Poingukab Krismas Parti Bersatu Sabah (PBS) id Dewan Hongkod Koisaan, Penampang, hiti di tadau Kotoli, nakatalib.

Nakaampai nogi ih Yang Dipertua Negeri, Tun Juhar Mahiruddin om sawo, Toh Puan Norlida R.M Jasni; Kumoduo Boyoon Montiri ih ponogi porosidin PBS, Tan Sri Joseph Pairin Kitingan om kumoduo disio Datuk Seri Maximus Ongkili om piro-piro montiri Kabinet pogun. – Dii Sitti Nor Azizah Talata / SayangSabah

tun juhar-pairin 2

Komen


Berita Berkaitan