Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

LSNS nunsub maganu atlit sipoot sabagi kukumaraja

taufiq-2
KOTA KINABALU – Montiri Komulakan om Sipoot Datuk Tawfiq Abu Bakar Titingan minongunsub toinsanan Kotinanan Sipoot Pogun Sabah (LSNS) moi manahak kosiwatan kumaa atlit ngawi do kumaraja sabagi kukumaraja Sipoot id pogun diti.

Ka disio, atag dilo kaanu monguhup sombohogian atlit sipoot ih aiso konunuan om mamagatang kinaangayan diolo id kaganaan sipoot.

“Pangalaman diolo id kaganaan do sipoot kaanu monguhup do LSNS papalabus om manahak pinsingilaan kumaa lobi ogumu atlit id pogun diti id timpu abantalan,” ka disio soira minanahak boboroson id kopongukaban SUKEP III LSNS 2014 id Dewan Serbaguna Kompleks Sukan Likas, hiti di baino.

Karait pialaan SUKEP III, ka di Tawfiq, poonjuran pialaan miagal dilo kaanu mongunsub tulun ginumuan do poposoliu ababayan sipoot sabagi koubasanan monikid tadau diolo.

“Ababayan nopo diti nga kopiagal dilo hontolon tokou miampai papasarabak kowowoyoon kopoposion di olidas id tanga mogigion pogun diti,” ka disio.

Pialaan dilo kotimpuun tadau ko- 26 gisom 29 tulan Koiso diti, popokito walu tinimungan lumansan do kukumaraja LSNS poimpuli Sabah, mogiala montok magahau ningkokoton bontugan do limo ababayan sipoot ih mangan pialaao miagal Badminton, Bola Tampar, Futsal, Tenpin Boling om Dart. – Dii Nuzir Andi Samsiar / sayangsabah

Komen


Berita Berkaitan