Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Louting kawawagu Kuut Syariah id Sabah

Musa Aman (gibang) id ababayan mamabak do tana sabagi tanda potimpuunan ababayan Mamabak do Tana Kuut Syariah Pogun Sabah.
Musa Aman (gibang) id ababayan mamabak do tana sabagi tanda potimpuunan ababayan Mamabak do Tana Kuut Syariah Pogun Sabah.

KOTA KINABALU – Pamansaian do kompleks kuut syariah kawawagu id pogun diti lansanon kaanu monimban pomusarahan tulun ginumuan ih kipomusarahan do Kuut Syariah nopo nga institusi doung gulu-gulu om amu kopiala dilo Kuut Sivil.
Montiri id Koupisan Luguan Montiri Datuk Seri Jamil Khir Baharom minoboros do, Kuut Syariah nopo nga iso Institusi Kehakiman Syariah di nakalantoi om dinamik mantad pongurusan kiis, pontadbiran om nogi infrastruktur dau montok monuridong kaadilan do Islam.
Ka disio, id pomogunan globalisasi, pomogunan aiso piolitan om kowowoyoon do pogun id somok pogun sampaping miagal Brunei Darussalam, Indonesia om Filipina, tantu noh do haro pitohuban om pisuaian do koubasanan, tinaru, ugama om balajaran.
“Id Sabah nopo, lobi 30 tinaru tagayo. Oruhangan kawagu tinaru mantad Sarawak, Melayu mantad Indonesia, Brunei om Filipina, kowowoyoon miagal diti kaanu manahak waya kumaa pongurusan om pantadbiran do kiis,” ka disio.
Minoboros isido miagal dilo kumaa maganu habar kalapas potimpuunan ababayan mamabak do tana Kompleks Kuut Syariah Sabah, do hiti.
Ababayan dilo pinotimpuun di Boyoon Montiri Datuk Seri Musa Aman. Nokotindapou nogi Kumoduo Boyoon Montiri Datuk Yahya Hussin om Monguhup Montiri id Koupisan Boyoon Montiri Datuk Mohd. Ariffin Arif. – Dii Sitti Nor Azizah Talata / SayangSabah

Komen


Berita Berkaitan