Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Longkod Satelit ISN apatut potikidon id toinsanan watas id Sabah

Tawfiq Abu Bakar Titingan (gibang) papatahak pokikitanan kumaa di Khairy Jamaluddin id ababayan Kopotimpuunan Longkod ISN id Dewan Pointutup Kompleks Sipoot Tawau. – foto Masani Sandan
Tawfiq Abu Bakar Titingan (gibang) papatahak pokikitanan kumaa di Khairy Jamaluddin id ababayan Kopotimpuunan Longkod ISN id Dewan Pointutup Kompleks Sipoot Tawau. – foto Masani Sandan

TAWAU – Longkod Satelit Institut Sipoot Pogun (ISN) lansanon kaanu potikidon id toinsanan kinoyonon kosuang id kinoyonon Pedalaman Atas, Pedalaman Bawah om Tisan Kotonobon pogun diti, sabagii pingisaman popotunda sipoot pogun Sabah.

Montiri Komulakan om Sipoot Pogun Datuk Tawfiq Abu Bakar Titingan minoboros do longkod dilo pikikiro kaanu manahak toluod tagayo kumaa koingkawason kualiti atlet sabap tupisor di poiyonon id longkod nokomoi nopo nga mantad graduan sains sipoot di kitoilaan.

“Sinunudan oku do longkod diti pinotimpuun id watas diti om ih ko-16 id pogun Malaysia om kotolu id pogun Sabah kalapas Kota Kinabalu om Sandakan,” ka disio soira minanahak boboroson id Ababayan Potimpuunan Longkod ISN id Dewan Pointutup Kompleks Sipoot Tawau ih pinotimpuun di Montiri Komulakan om Sipoot Khairy Jamaluddin.

Tumanud di Tawfiq, tupisor kitoilaan dilo okon nopo ko kaanu manahak khidmat kaunseling nga kaanu nogi manahak karaja sabagi pakar taakanon om jurupulih anggota.

Puru walai koundangan pogun (Adun) Apas dilo minoboros do, kinoimbulaion longkod dilo id watas diti kontok kopio id timpu diti sabap poonjuran Pialaan Sipoot Sabah (SAGA) ko turu kotimpuun tadau ko-1 gisom 5 tulan Koonom diti.

Soginumu 20 sipoot mangan pialaao id Sipoot SAGA ih atanud 26 watas kosuang kotonudan mantad Sarawak om nogi pogun Brunei om Kalimantan Utara, Indonesia. – Dii Masani Sandan / SayangSabah

Komen


Berita Berkaitan