Sayang Sabah Facebook

Likes
Sayang Sabah Twitter

11,789

Followers

Sayang Sabah - Portal Berita Negeri Kita

Longkod Kopoilaan Pangakanan natagan ukabon potitikid Kolinik Kolidasan Watas

9:41pm 26/04/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

23pusat-makanan-600x366
KOTA KINABALU: Mangatag o Koupisan Kolidasan Pogun Sabah montok mongukab Longkod Kopoilaan Pamakanan id potitikid Kolinik Kolidasan Watas id pototongkop Sabah montok papasanang toinsanan bohogian tulun ginumuan kaanu kopoilaan karait pangakanan tolidas.

Potunud Kolidasan Pogun Sabah, Dr. Christina Rundi minoboros do pongukaban longkod dino nopo nga kituduan popotounda pambalajaran karait pamakanan om popotongkop kopoilaan pamakanan di kosudong om kawawagu.

“Iti kaampai noh kopotongkopan kopoilaan pamakanan tolidas om ababayan kogompit koposion tolidas poombitanan dino, poingkuro montok popokuri winagat tinan,” ka disio kuminaa doid maganu habar di kalapas pinopoimagon Tulan Pamakanan Malaysia toun 2016, Nayatan Pogun Sabah, id Kolinik Kolidasan Penampang.

Potindapou nogi ontok diho i Potunud Bohogian Pamakanan Komontirian Kolidasan Malaysia, i Zalma Abdul Razak, Upisol Watas Penampang i Luvita Koisun om Upisor Kolidasan Watas Penampang, i ponogi Ponorikohon Komiti ababayan, Dr. Rosila Yahaya.

Minoboros i Dr. Christina do gisom baino diti, haro duo Longkod Kopoilaan Pamakanan do nukaban id pogun Sabah diti, ilo nopo nga id Kolinik Kolidasan Penampang om Kolinik Kolidasan Tina om Tanak Keningau, i nukab piro-piro toun nakatalib.

“Alansan oku do lobi ogumu Longkod Kopoilaan Pamakanan do aanu turidongon id potitikid watas id pogun diti. Monuu oku nogi do tulun ginumuan momoguno kounalan do longkod diti montok kaanuan kopoilaan karait pamakanan tolidas.

“Sokiro nung kopoilaan di ihumon dikoyu aiso id longkod dilo, poiloo yahai mooi kaanu iyahai monginsonong kotorinaan id longkod kopoilaan diti,” ka disio. – BERNAMA

Apa Komen dan Pendapat Anda

Artikel Berkaitan