Sayang Sabah Facebook

Likes
Sayang Sabah Twitter

11,806

Followers

Sayang Sabah - Portal Berita Negeri Kita

Longkod balajaran palabus siswazah pomorunan kreatif kopitopong sompomogunan: Salleh

12:01am 05/12/2015 Maryann 0 views Abal Kinoyonon,Kinoyonon,Kota Kinabalu

alleh
PETALING JAYA: Montiri Piromutan om Multimedia Datuk Seri Dr Salleh Said Keruak mokianu longkod balajaran takawas pogun diti papalabus lobi ogumu siswazah pomorunan kreatif kopitopong sompomogunan montok momonu kopokionuan di nokoingkawas.

Ka disio, sasabap kinotundaan tosonong id pomorunan kreatif om suang dilo, kopokionuan kumaa bakat kreatif nga nokotunda nogi.

“Sabap dilo momorlu tokou lobi ogumu siswazah montok momonu kopokionuan takawas id pomorunan dilo,” ka disio soira minapaharo tombului id Point College do hiti.

Salleh minoboros do porinta papanau mogisuai-suai laang montok monokodung rikoton kotundaan pomorunan kreatif pogun diti, kosuang manaja do susumikul maya ababayan Pimbalajaran Poompus Koposion Pomorunan Kreatif (CILL) id siriba Kotinanan Kotundaan Filem Nasional Malaysia (FINAS).

Ka disio gisom baino, porinta minoposodia RM30 riong montok tuduan diloih minanahak kosuulan kumaa 720 tulun maya apat skim.

Apat skim id siriba ababayan CILL dilo nopo nga Skim A – Kopoingkawasan om Pinsingilaan Kawagu; Skim B – Sangkut om Pinsinilaan; Skim C – Tutungkap Ilmiah; om Skim D – Ponsiijilan Komilaan Kreatif.

Minamarayou nogi ih Salleh susumikul Point College Chong Hui Thing, nakaramit tajaan ababayan CILL sabap nakamanang tutungkap tagayo id bohogian poingukab pialaan Foto Nikon 2015 tulan Koturu nakatalib. – BERNAMA

Apa Komen dan Pendapat Anda

Artikel Berkaitan