Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Logi 15,000 tutumanud pikikiro tumanud pogusaan 7K

Gerard Tan (tanga) guminambar miampai komiti di kaampai id pogusaan 7K. -  foto Jimmy Tan / SayangSabah
Gerard Tan (tanga) guminambar miampai komiti di kaampai id pogusaan 7K. – foto Jimmy Tan / SayangSabah

KOTA KINABALU- Lobi 15,000 tutumanud pikikiro tumanud id ababayan mogusa 7K Sutera Harbour Ko-15 ontok tadau ko-19 tulan Kowalu diti.

Tulun ginumuan ih orohian tumanud pogusaan diti kaanu rumijidtor id kaunter porijistaan 7K id lobi Sutera Harbour Marina om Country Club toi ko id turu ‘booth’ 7K ih pinosodia id posorili kakadaian Kota Kinabalu kosuang City Mall, Centre Point Sabah, Wisma Merdeka, Suria Sabah om Pasar tamu id Jalan Gaya.

Yuran rijistor nopo nga RM30 montok tutumanud nosukod om RM20 montok susumikul toi ko tangaanak om isai-isai ih rumijistor miampai iso tinimungan sokuri-kuri 20 tulun kaanu mambarai RM27 songulun.

Kumoduo Boyoon Tupisor Eksekutif Sutera Harbour Resort, Gerard Tan minoboros do pogusaan dilo potimpuunon miampai ababayan Zumba, jam 4 sosodopon om pogusaan mimpuun 5.17 sosodopon.

“Tutumanud mositi momupus pogusaan solinaid 77 minit om kaanu kosiwatan kamanang mogisuai-suai tutungkap tikit kinasip,” ka disio kumaa maganu khabar do hiti di baino.

Tumanud disio, toinsanan asil id ababayan diti mangan patahako kumaa 7K Benefisiari. Pogusaan miagal dilo nakaanu sokodung mantad Komontirian Komulakan om Sipoot pogun, Dewan Bandaraya Kota Kinabalu om Koupisan Komulakan om Sipoot Pisompuruan Pogun Sabah. – Dii Dewiana Tinggolongon / SayangSabah.

Komen


Berita Berkaitan