Sayang Sabah Facebook

Likes
Sayang Sabah Twitter

11,643

Followers

Sayang Sabah - Portal Berita Negeri Kita

Lobi RM380 riong poingkawas koposoliwanan parai id Sabah

11:44pm 20/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

kb-shabery
KOTA BELUD: Soginumu RM380.8 riong pinosodia montok poingkawas kaangayan koposoliwanan parai id Sabah id siriba Palan Malaysia Ko-11 (RMK-11) montok momonu kopokionuan rayat pogun diti.

Montiri Pomutanaman om Pomorunan Asas Tani Datuk Seri Ahmad Shabery Cheek minoboros do id timpu diti, Sabah posoliwan soginumu 2.8 tan metrik parai sehektar ih nopo nga lobi osiriba mantad purata pogun soginumu limo tan metrik.

“Osontob ginawo ku miampai piro-piro kinomogoton mantad timpuun poh, lolobi kopio papanau porojik ngawi id siriba RMK-11 om RM380.8 riong pinosodia montok kotundaan koposoliwanan wagas id mogisuai-suai nayatan.

“Suai ko pamansaian kawagu iso kompleks tupis, kosuul nopo nga kotundaan sistom koliyungon ih kiguno kopio montok jelapang padi id Kota Belud diti maya Kinoyonon Kotundaan Pomutanaman Miuhup (IADA),” ka disio kumaa maganu habar do hiti di baino.

Minoboros isido miagal dilo soira minooi tombului kumponi pemborong wagas Teguh Gemilang Bistari Sdn Bhd do hiti.

Nokotindapou nogi ih Montiri Piromutan om Multimedia Senator Datuk Seri Dr Salleh Said Keruak om Monguhup Montiri Pomutanaman om Pomorunan Taakanon Sabah Datuk Musbah Jamli.

Minoboros ih Ahmad Shabery do jelapang padi ih mangan potundao id Kota Belud do IADA diti kapaampai kinoyonon soginayo 8,500 hektar. – BERNAMA

Apa Komen dan Pendapat Anda

Artikel Berkaitan