Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Lobi RM100 riong gunoon monginsonong kinaraagan sasabap noguyu tana, luyud burutak

banjirlumpur

RANAU – Pikikiro lobi RM100 riong gunoon montok monginsonong toinsanan bangunan om infrastruktur id Sabah ih naraag sasabap noguyu tana 5.9 skala richter om luyud burutak di tulan Koonom nakatalib, ka di Montiri Karaja Tagayo Datuk Seri Fadillah Yusof.

Tumanud disio, kos dilo montok monginsonong pikikiro 61 bangunan, talun alun, sunsuion om rabas dii naraag sasabap kinaantakan korumbakon sandad misorili in naantakan id pogun diti lolobi id Ranau, Kundasang om Kota Belud.

Tumanud di Fadillah pikikiro RM55 riong mantad anggaran kos ddilo gunoon montok monginsonong, momonsoi om popogirot kawagu limo bangunan ih noindamaan naraag, ilo nopo nga longkod tupis pulis watas (IPD) Ranau, SMK Ranau, Masjid Watas Ranau, Hospital Ranau om Sekolah Agama Mohamad Ali.

Kos montok limo bangunan dilo, toiso-iso soginumu RM15 riong (IPD), RM12 riong (SMK Ranau), RM12 riong (Masjid Watas Ranau), RM10 riong (Hospital Ranau) om RM6 riong montok Sekolah Agama Mohamad Ali.

“Karaja momonsoi kawagu bangunan om talun alun dii amu noindamaan naraag mamaso papanahon om poruntukan nga nakatahak noh. Nga ilo limo bangunan di noindamaan naraag oporlu huyason om wonsoion kawagu.

“Iti maganu timpu tokuri sasabap poruntukan om karaja tawagat,” ka disio kalapas minooi intong bangunan IPD Randu do hiti di konihab. – BERNAMA

Komen


Berita Berkaitan