Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Lobi ogumu komulakan kaanu kosiwatan tumanud ababayan pongindopuan toun abantalan

keningau-usahawan
KENINGAU: Lobi ogumu komulakan id pogun diti kaanu kosiwatan tumanud mogisuai-suai ababayan pongindopuan ih pohoroon do Komontirian Komulakan om Sipoot Pogun toun abantalan.
“Tumilombus o komontirian do papaharo mogisuai-suai ababayan montok tinimungan komulakan poinpuli pogun ih kihontolon do monguhup diolo popoingkawas pandapatan,” ka di Kumoduo Monunurat Tatap Komontirian dilo Haji Awang Damit Awang Anak.
Minoboros isido miagal dilo kumaa maganu habar kalapas ababayan konvokesyen kursus seni kreatif Jahitan Sesi Dua 2014 id Dewan Arena Komulakan om Sipoot Bohogian Keningau, hiti di kawawagu.
Suai ko ilo, ababayan dilo nga kaanu mongingkuri ginumu aiso karaja id tanga komulakan toi ko sukod wagu.
Tumanud disio, montok toun diti, komontirin dilo minoposodia soginumu RM2.1 riong id suang ababayan di miagal.
“Maya ababayan nokomoi, nakaanu o komontorian minapalabus lobi 1,000 tutumanud id tanga komulakan id pogun diti id suang mogisuai-suai kaganaan pinsingilaan,” ka disio.- Dii Kalawon Sawing / SayangSabah

Komen


Berita Berkaitan