Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Lobi 490,000 susumikul nakaramit sakadai sikulan

bantuan 2
KOTA KINABALU: Soginumu 495,000 tangaanak sikul mantad 1,920 sikul poimpuli pogun diti nakaramit Sakadai Poimbida Sikulan 1Malaysia mantad porinta ih popohompit poruntukan soginumu RM4.3 riong.

Potunud Balajaran Pogun Datuk Jame Alip minoboros do mantad ginumu dilo, toiso-iso tangaanak sikul karamit sakadai soginumu RM100.

“Sakadai dilo popokito osianan kopio o Komontirian Balajaran kokito kosusaan di otoguang komolohingan tangaanak sikul,” ka disio.

Minoboros isido miagal dilo id ababayan panahakan sakadai poimbida dilo id Dewan SK Malawa, Sepanggar somok hiti di konihab.

Ababayan potunuian sakadai dilo pinotimpuun di Montiri Kotundaan Mogigion om Ahal Momoguno Datuk Jainab Ahmad Ayid.
Sabap dilo alansan ih Jame kumaa molohing ngawi do momoguno tososonong o sakadai dilo lolobi kopio montok momoli koporluan sikulan tangaanak diolo.

Minanahak nogi isido kopoingatan do maganu laang okodou kumaa sikul ngawi dii oilaan mongingkuri ginumu tusin di potikidon do tangaanak. – Dii Nuzir Andi Samsiar / sayangsabah

Komen


Berita Berkaitan