Sayang Sabah Facebook

Likes
Sayang Sabah Twitter

11,655

Followers

Sayang Sabah - Portal Berita Negeri Kita

Lobi 3,000 mogigion nokotoguang kobolihangkangan do waig: Jelani

10:06am 07/04/2016 Maryann 1 views Abal Kinoyonon,Kinoyonon,Kota Kinabalu

jelani
MATUNGGONG: Logi 3,000 mogigion id lobi 10 kampung id suang waatas Walai Koundangan Pogun (DUN) Matunggong, nokotoguang kobolihangkangan kaanuan waig oliang nontodonon magadau om fenomena El Nino.

Puru Walai Koundangan Pogun (Adun) Matunggong, Dato’ Jelani Hamdan minoboros do kobolihangkangan dilo nakalaid, mantad podii sominggu nakatalib.

“Poingkuro po, nakaramit oku kumpilin mantad mogigion kampung i minopoilo do Koupisan Waig nokotimpuun no mongikit do waig gisom aiso kosukupan waig korikot id walai diolo.

“Kowowoyoon miagal diti poposusa mogigion kampung sabap aiso waig id walai montok inumon, pagansak om suai poh,” ka disio id kointalangan do hiti.

Minoboros ih Jelani do, kampung ngawi di nokotoguang kobolihangkangan aiso waig nopo nga Kg. Tigaman Darat, Kg Sampir Tengah, SK. Sampir, Kg Sampir Darat, Kg Teringai Darat, Kg Muhang, Kg Jambutan Laya-Laya, Kg Teringai Laut, Kg.Manvang Laut, Kg Tuhau, Kg Pata om suai poh.

Pikikiro lobi ogumu kampung kotoguang kobolihangkangan waig sokiro kotilombus noh timpu magadau. – SayangSabah

Apa Komen dan Pendapat Anda

Artikel Berkaitan