Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Lobi 16,000 kitoruol Tibi id Sabah nolingasan toun nakatalib

tibi
KOTA KINABALU: Soginumu 16,493 kitoruol Tibi id Sabah ih nakaramit pongusapan tumanud timpu nolingasan mantad toruol dilo toun nakatalib, ka di Potunud Walai Pongubatan Queen Elizabeth (HQE) Dr Heric Corray.

Poingkuro po ka disio, 1,256 susumakit Tibi minomonsoi koputusan do tumingkod mokianu pongusapan potilombus om kororosi kaanu ilo momoroliu tulun suai.

Tibi nopo nga toruol di rumoliu goos otuo id pomogunan sabap kuman Mycobacterium Tuberculosis ih posibaron maya tongus.

“Tibi nopo nga iso ponompuronok tagayo id pogun diti om popokito kinoingkawasan soginumu 1.7pihatus montok timpu apat toun mantad podii 2011,” ka disio soira minanahak boboroso nid ababayan Tadau Tibi Sompomogunan nayatan HQE do hiti di konihab.

Tumanud dii Dr Heric kiis toruol koroliu dilo id Sabah minoposurat kinoinsiribaon soginumu duo pihatus toun nakatalib kumaa 24,220 kiis piagalon 24,711 ontok toun 2014.

Mantad ginumu dilo, ka disio soginumu 1,696 kiis kinapataion pinoruput piagalon 1,603 tulun ton pogulu diolo.

Dr Heric minoboros do Komontirin Kolidasan minopoindalan mogisuai-suai inisiatif montok poingkawas kopurimanan karait tanda-tanda tosopung toruol Tibi maya karaja mongintutun, mongusap om mangantop korolihan toruol dilo id pogun diti. – BERNAMA

Komen


Berita Berkaitan