Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Lobi 1,500 mogihum karaja nokorikot id intobiu poingukab SL1M Labuan

9:38pm 16/04/2016 Maryann 2 views Abal Kinoyonon,Kinoyonon,WP. Labuan

SLIM LABUAN
LABUAN: Lobi 1,500 siswazah aiso karaja om nokopupus sikulan nokorikot id siri koduo ababayan intobiu poingukab Skim Latihan 1Malaysia (SL1M) ih minoposodia 2,365 kosiwatan karaja dohiti tadau baino.

Soginumu 22 agensi porinta, kumponi kagait porinta (GLC) om kumponi mantad Semenanjung om Labuan minoposodia ningkokoton pointatap om pinsingilan miampai 60 pihatus pakarajaan id Kuala Lumpur om pilou poingabas sukai diti.

Wookon nopo organisasi di tinanud id ababayan dilo nga Universiti Malaysia Sabah (UMS), Lembaga Tabung Angkatan Tentera, Lembaga Perkhidmatan Kewangan Labuan om Khazanah Nasional.

Syukri Ismail om Awang Ali Hassan mantad Membakut, Sabah minoboros do sinakai yolo padsakaian waig mantad Menumbok kumaa Labuan montok rumikot id intobiu poingukab dilo.

Ababayan diti osonong kopio sabap kaanu silihon sabaagi wayaan montok siswazah di siao karaja maganu karaja, ka diolo soira rinuba id ababayan dilo do hiti di baino.

Ababayan dilo pinotimpuun di Montiri id Koupisan Luguan Montiri Datuk Seri Abdul Wahid Omar.

Songulun poh kawagu siswaza mantad Sandakan Normala Othman, minoboros do tinanud isido di tina dau minooi id ababayan dilo.

“Sinakai yahai bas kuminaa Kota Kinabalu pikikiro apat jam pamanahan om minomoguno bot tosiau minooi di Labuan,” ka disio. – BERNAMA

Apa Komen dan Pendapat Anda

Artikel Berkaitan