Sayang Sabah Facebook

Likes
Sayang Sabah Twitter

11,786

Followers

Sayang Sabah - Portal Berita Negeri Kita

LLT minapaharo pingludaan koligaganan kapal naratu

11:55pm 04/11/2015 Maryann 0 views Abal Kinoyonon,Kinoyonon,Tawau

simulasi tawau
TAWAU: Soginumu 260 tulun mantad lobi 10 koupisan om puru nakaampai minapalantoi pingludaan koligaganan miampai poimponu ih popokito simulasi kapal naratu id Sosondoton Kapal Tutumulud Tawau (LLT), konihab.

Pongurus LLT, Ya’akub Abu Bakar minoboros do pingludaan dilo mositi pohoroon insan suang duo toun montok toinsanan Sosondoton Kapal Tutumulud montok moniis kosikapon respon timpu, kakamot om kogorison kukumaraja soira kotoguang kaantakan amu iman-imanon dilo.

Tumanud disio, pingludaan dilo papaampai simulasi kapal Kitani Air ATR 72 mantad Kota Kinabalu ih naratu id Tawau jam 11.18 kosuabon kapaampai 55 mungui, kosuang apat tanak kapal.

Koupisan om puru di nakaampai id simulasi dilo nopo nga Malaysia Airports Sendirian Berhad, Jabatan Penerbangan Awam (DCA), Air Asia om MAS, Susumangod Udara Diraja Malaysia (TUDM), Koupisan Bomba om Manampasi Malaysia (JBPM), polis om Walai Pongubatan Tawau.

Suai ko ilo, nakaampai nogi Koupisan Waig, Koupisan Karaja Tagayo (JKR), Koupisan Portahanan Awam Malaysia (JPAM) om Koisaan Bulan Sabit Merah Malaysia (PBSM) om Kounsil Kakadaian Tawau (MPT).-Alanna Adam/Sayangsabah

Apa Komen dan Pendapat Anda

Artikel Berkaitan