Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

LKS apatut haro Mini Muzium

KOTA KINABALU- Lambaga Koubasanan Sabah (LKS) apatut haro Mini Muzium sondiri montok popokito mogisuai suai rasuk masidikoubasanan mantad pogun labus.

Tinimung kumoiso mantad 17 pogun ih tumanud id 10 Festival Sayau Koubasanan Sompomogunan (SIFF) 2015 mangan potimpuuno mamaso karamaian dilo om momoguno tiyonon montok popokito rasuk tinaru diolo.

Montiri Kotombuluian, Koubasanan om Ahal Misorili Datuk Masidi Manjun minoboros do kihontolon ilo monontudk mogigion kinoyonon do minsingilo mogisuai-suai tinimungan tinaru mantad pogun do suai.

“Kopongunsub nogi lo koubasanan kinoyonon ointutunan id nayatan sompomogunan, miagal pialanan do rasuk koubasanan miampai pogun di tumanud id karamaian dilo,” ka disio id pitimungan habar SIFF ko-10, do hiti di baino.

Komuncak nopo ababayan dilo nga pialaan sayau koubasanan sompomogunan ih pohoron id Longkod Koubasanan Sabah, Penampang mantad 13 tulan Kowalu gisom tadau ko-15 tulan Kowalu.

Ka disio tikit montok pialaan dilo RM10 montok tangaanak om susumikul kiumur id siriba 17 toun, RM30 montok nosukod.

Ka disio tikit aanu bolion id LKS mantad gisom tadau ko-14 tulan Kowalu om id Longkod Koubasanan Sabah Penampang gisom tadau ko15 tulan Kowalu diti. – SayangSabah

Komen


Berita Berkaitan