Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Limo tinahan, 33 mutusikal sinita id Tawau

TAWAU: Soginumu 300 tulun songkosuaian kikotumbayaan modidikot aiso kasagaan pinorisa puru kikuasa id Op Lejang om Op Cegah Jenayah id posorili tamu Ladang Dumpas Brumas hiti di minsusuab songkosodop.

Mantad ginumu dilo, limo tulun songkosuaian kiumur id pialatan 20 gisom 35 toun, tinahan sasabap aiso surat kopotutan id operasi jam ko-6 kosuabon dilo.

“Mantad pomorisaan potilombus do pulis, noilaan songulun mantad limo tulun di tinahan kiharo dadah syabu, om tolu tulun di suai noilaan positif dadah kalapas poniisan do sobu,” ka di Boyoon Pulis Watas Asisten Komisioner Awang Besar Dullah.

Toinsanan kaapat-apat tulun di natandasan tinahan daamot montok ponoriukan potilombus tumanud Akta Dadah Berbahaya.

Daamot dilo, ka di Awang, id operasi nokomoi, soginumu 33 tinan mutusikal sinita kikotumbayaan tinongkiadan di papanau montok mangalai pomorisaan puru kikuasa id pangantaban talun-alun.

“Tinangayan o mutusikal dilo kumaa id balai pulis montok ponoriukan potilombus. Id operasi dilo 30 koping saman pinosoliwan kumaa momoguno ngawi talun-alun sabap mogisuai-suai kasalaan,” ka disio.

Nonuan do pulis timpu sombulan montok di sanganu mongoi paganu mutusikal diolo id balai polis miampai mongigit surat pointantu. – Dii MASANI SANDAN / Sayangsabah

KIKOTUMBAYAAN PINANAKAU …  Boyoon Balai Pulis Bombalai, Ahmad Jailani (kiri) miampai songulun pulis, momorisa mutusikal di kikotumbayaan pinanakau.– foto Masani Sandan / Sayangsabah
KIKOTUMBAYAAN PINANAKAU … Boyoon Balai Pulis Bombalai, Ahmad Jailani (kiri) miampai songulun pulis, momorisa mutusikal di kikotumbayaan pinanakau.– foto Masani Sandan / Sayangsabah

Komen


Berita Berkaitan