Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

LIGS om tolu tanak kumponi dau minanain ‘Ikrar Intergriti Korporat’

ligs
KOTA KINABALU: Kotinanan Pomorunan Gata Sabah (LIGS) kumoinsan nogi minanain do ‘Ikrar Intergriti Korporat’ toi ko ‘Corporate Intergrity Pledge’ (CIP) miampai puru Suruhanjaya Pangantaban Susuap Malaysia (SPRM) Pogun Sabah, do hiti di tadau baino.

Ponorikohon LIGS, Datuk Rubin Balang minoboros do ikrar dilo popokito LIGS mingisom do mongunsub kowowoyoon intergriti, kitonggungan om otulid ginawo montok mongurus ponorinaan korporat id suang potunda do pomorunan gata id pogun diti.

“Rikoton nopo LIGS nga montok monguhup do mogigion mosikin id pogun diti sumoliwan mantad komosikinan.

“Sabap dilo, kosuul montok LIGS do posodia ponorinaan kumaa puru kikosuulan (stakeholder) miampai gab tosonong, posodia khidmat di kaanu manahak kosuulan kumaa diolo, kumaraja tososonong om haro integrity,” ka disio.

Minoboros isido miagal dilo soira minanahak boboroson id ababayan manain ‘Ikrar Intergriti Korporat’ LIGS, do hiti di baino.

Tolu kumponi dilo nopo nga Tuaran Crumb Sdn Bhd, Kilang Tenom Crumb Sdn Bhd om Kilang Beaufort Speciality Rubber Sdn Bhd.

Ka di Rubin, kotolu-tolu tanak kumponi LIGS dilo nopo nga agensi id siriba Komontirian Pomutanaman om Pomorunan Taakanon Sabah kumoiso minanain do ikrar dilo toun diti. – SayangSabah

Komen


Berita Berkaitan