Sayang Sabah Facebook

Likes
Sayang Sabah Twitter

11,774

Followers

Sayang Sabah - Portal Berita Negeri Kita

LHDN Sabah manahak kopoingatan kumaa pambarai sukai

3:37pm 19/02/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

lhdn
KOTA KINABALU: Lombaga Asil Suang Pogun (LHDN) Sabah minanahak kopoingatan kumaa pambarai ngawi sukai id pogun diti ih moi mambarai sukai montok mangalai ontokon laang undang-undang.

Potunud LHDN pogun, Datuk Kamaruzzaman Ab. Salleh minoboros do kopoingatan dilo okon ko mongingorit pambarai ngawi sukai nga montok mogintong kopio kaanu yolo papanau tonggungan sabaagi pambarai sukai.

“Pambarai sukai di nakapambarai noh nga amu nakapaatod kawagu Borang Nyata Sukai Pandapatan montok duo toun miturut-turut nga kotoguang nogi laang tumanud Seksyen 112, Akta Sukai Pandapatan 1967,” ka disio.

Minoboros isido miagal dilo kumaa maganu habar kalapas ababayan misuau miampai LHDN om maganu habar do hiti di konihab.

Tumanud disio, tongo pambarai sukai nga milo nogi dandaon intolu ginumu sukai sokiro amu kaanu popoguli Borang Nyata Cukai Pandapatan dilo.

Kamaruzzaman minoboros do toun diti LHDN momorikot RM3.8 bilion pomuhuan sukai pandapatan kapaampai pikikiro 370,000 pambarai sukai id pogun diti.

“Ginumu sukai pandapatan di nopuhu LHDN toun nakatalib nopo nga RM3.8 bilion nokoingkawas soginumu 1.5 pihatus piagalon RM3.5 billion toun 2014,” ka disio. – Leolerry Lajius/Sayang Sabah

Apa Komen dan Pendapat Anda

Artikel Berkaitan