Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Lansanon Ralan Magayo Pan Borneo monguhup mongingkuri koligaganan

11:42pm 28/02/2016 Maryann 0 views Abal Kinoyonon,Kinoyonon,Kota Kinabalu

lebuhraya
SARIKEI: Koupisan Koumoligan Talun Alun (JKJR) lumansan pamansaian Ralan Magayo Pan Borneo ih popiromut do Sarawak om Sabah kaanu monguhup mongingkuri ginumu koligagaganan mogowit kapataion id pogun diti.

Boyoon Potunud dau Abd Ghafar Yusof minoboros do pamansaian ralan magayoo dilo tantu kaanu monginsonong do talun alun id Sarawak ih kowowoyoon dau amu arata sabap winonsoi id tana di kipaya om olomok.

Tumanud disio, suai ko mantad kowowoyoon papanau, kowowoyoon talun alun nga kosiliu nogi tadon intodonon koligaganan.

“Alansan tokou mooi pamansaian do Ralan Magayo Pan Borneo diti kaamu manalasai om potilombus monguhup mongingkuri ginumu koligaganan mogowit kapataion,” ka disio kumaa Bernama do hiti di kosodop.

Pogulu dilo, minopotikid isiod 30 tupi keledar kumaa papanau motosikal id kakadaian diti kopihondot kimpin koumoligan talun alun JKJR Sarawak.

Nokotindapou nogi Potunud JKJR Sarawak Davina Agnes Enteli om Mongigit Daamot Boyoon Raan Koupisan Padsakaian Talun Alun Sarikei, Zokipli Kawi.

Porojik pamansaian Ralan Magayo Pan Borneo kininaru 1,663 kilometer mangakan do balanja RM29 bilion pikikiro kosiliu ralan tagayo popiromut do Sarawak om Sabah. – BERNAMA

Apa Komen dan Pendapat Anda

Artikel Berkaitan