Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Lahad Datu: Kuut monuhu 19 natandasan monungolig tinan sondiri

1:14am 06/02/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

tanduo-battle-pic
KOTA KINABALU: Kuut Takawas do hiti minonuhu 19 mantad 30 tulun ih dinawa minomonsoi mogisuai-suai kasalaan karait ponoruangan kisindata id Lahad Datu tolu toun nakatalib montok monungolig tinan sondiri.

Hakim Stephen Chung minomonsoi koputusan dilo kalapas nokokito puru mamadawa nakaanu minopokito bukti kiis prima facie kumaa 16 tulun Polipin kosuang songulun tondu om tolu kusai kinoyonon.

Kuut minapatatap tolu mingggu mimpuun tadau ko-22 tulan Koduo montok bisara.

Siam mantad 16 tulun Polipin ih sinuhu monungolig sondiri, dinawa minopoindalan sangod kumaa Yang di-Pertuan Agong, ih poontok hukuman gisom apatai.

Iyolo nopo nga ih Atik Hussin Abu Bakar, Basad H. Manuel, Ismail Yasin, Virgilio Nemar Patulada @ Mohammad Alam Patulada, Salib Akhmad Emali, Al Wazir Osman @ Abdul, Tani Lahaddahi, Julham Rashid om Datu Amirbahar Hushin Kiram.

Iyolo nga kotoguang tolungku soumur umur om dandaon sabap dinawa nosiliu puru tinimungan tulun taraat miampai onom poh tulun suai, kosuang songulun kusai kinoyonon.

Ih natandasan Lin Mad Salleh, Holland Kalbi, Habil Suhaili, Timhar Hadir, Aiman Radie om songulun kusai kinoyonon Abd Hadi Mawan.

Tondu Polipin id kiis dilo, Norhaida Ibnahi sinuhu monungolig tinan sondiri sabap dinawa minonginturung tulun di oilaan dau puru tinimungan tulun taraat om milo tolungkuon 20 toun gisom soumur umur om danda.

Ih Chung minapalapas om minapagabas duo tulun kinoyonon om songulun Polipin sabap titondos poindalan sangod om songulun puru tinimungan tulun taraat, nga titondos kumaa diolo pinoundaliu om sinuhu yolo monungolig sondiri. – BERNAMA

Apa Komen dan Pendapat Anda

Artikel Berkaitan