Sayang Sabah Facebook

Likes
Sayang Sabah Twitter

11,670

Followers

Sayang Sabah - Portal Berita Negeri Kita

Lahad Datu: Gayang ‘samurai’ wookon nabantalan

11:22pm 30/11/2015 Maryann 2 views Abal Kinoyonon,Kinoyonon,Kota Kinabalu

samurai
KOTA KINABALU: Iso gayang ‘samurai’ wookon barang kiis nabantaan id Kunak ih haro kogoitan dilo ponoruangan id Lahad Datu, Kuut Takawas do hiti sinunudan.

Mantamong stor barang kiis id longkod tupis pulis Lahad Datu Sarjan Aiyaman Abd Mutalib minoboros do naramit disio gayang dilo miampai 22 barang suai mantad songulun tupisor raan poimbida.

“Gayang dilo linopot id suang linopot polositik kiwotik oitom mamaso ku nakaramit dilo, om barang kiis di suai linpot id polositik oniniting,” ka disio.

Minanahak ih Aiyaman kointalangan id suang bisara 30 misosonduru ih haro kogoitan ponoruangan iso tinimungan kusai Sulu kisindata id Kampung Tanduo, Lahad Datu ontok tulan Koduo 2013.

Sarjan polis dilo minoboros do nakaramit nogi isido 12 linopot polositik ih monikid tiso kisuang mogisuai-suai barang kiis.

Minoboros nogi isido do 23 barang kiis dilo amu pinosunud id ruputan pulis kalapas naahau id Kunak, poingkuro po intangan kopio disio toinsanan kakamot dilo pinosurat id suang Buuk Rigistor Daftar Barang Kiis soira naramit ontok ko-25 tulan Kotolu 2013. -BERNAMA

Apa Komen dan Pendapat Anda

Artikel Berkaitan