Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Lahad Datu: 20 tulan Koonom koputusan kiis ponoruangan

10:03pm 17/05/2016 Maryann 0 views Abal Kinoyonon,Kinoyonon,Kota Kinabalu

tanduo-1-600x366-3-600x366
KOTA KINABALU: Kuut Takawas do hiti di baino minapatatap tadau ko-20 tulan Koonom diti montok momonsoi koputusan karait nasip 19 natandasan kiis ponoruangan Lahad Datu.

Hakim Stephen Chung minapatatap tadau dilo kalapas pombilaan minonompon kiis dau tadau baino, kalapas minomolohou 20 saksi kosuang timpu 24 tadau mantad ko-25 tulan Koduo.

Pinatatapp disio tadau ko-10 tulan Koonom diti montok mokinongou boboroson mantad koduo-duo puru.

Pamadawaan minopotimpuun kiis dilo ontok tadauu ko-6 tulan Koiso 2014 miampai 30 tulun, ilo nopo nga 27 tulun Filipina om tolu kusai kinoyonon nokotoguang mogisuai-suai titondos ih haro kogoitan ponoruangan kisindata id Kampung Tanduo Lahad Datu tulan Koduo 2013.

Mamadawa minomolohou 166 saksi poompu 239 tadau prosiding ih nopupusan tadau ko-5 tulan Koiso.

Tadau ko-5 tulan Koduo, Chung minonuhu 19 mantad 30 natandasan monungolig tinan donsiri kalapas naanu di puru mamadawa minopoimbulai kiis prima facie.

Poingkuro po ontok tadau ko-23 gisom ko-24 tulan Koduo, siam mantad 19 natandasan dilo minomili mangakun nakasala, poingkuro po hakim minopourut ukuman gisom pombilaan minonompon kiis dau.

Apat mantad siam tulun di natandasan dilo toiso-iso nokotoguang duo titondus – papanau sangod kumaa dii Yang di-Pertuan Agong om nosiliu puru iso tinimungan tulun taraat – poingkuro po songulun noh minangakun nakasala kumaa titiondos tinanud id tinimungan tulun taraat. – BERNAMA

Apa Komen dan Pendapat Anda

Artikel Berkaitan