Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Labuan minoposurat ginumu potoluod suang tinan

derma

LABUAN: Sundung do amu ogumu mogigion id Labuan nga nakaanu minoposurat ginumu potoluod suang tinan.

Gunumu diolo ih nokorijistor sabaagi potoluod suang tinan id pulau diti nokoingkawas kawas mantad toun-toun nakatalib.

Soginumu 242 potoluod suang tinan nokorijistor gisom baino miampai ginumu, tinaru Cina goos ogumu om natanud tinaru Melayu om tinaru suai.

Potunud Koupisan Kolidasan Labuan, Dr Ismail Ali berkata minoboros do haro koporluan montok popoimbulai kopurimanan kumaa toinsanan mogigion karait kosuulan dopotoluod suang tinan.

Id suang pirumaan miapai Bernama, ka disio nakatahak noh poruntukan kumaa koupisan montok papanau lobi ogumu ababayan miagal dilo kosuang nogi seminar, pokikitanan om kaunseling om nogi ababayan miruba mogigion.

Seminar kitulu ‘Grief Response Organ Donation Awareness’ om kimpin karait kopurimanan potoluod do suang tinan pinaharo minggu nakatalib om nakaanu raramit tosonong mantad tulun ginumuan.

Minoboros ih Dr Ismail do gisom tulan Kolimo diti soginumu 37 poundolihan suang tinan pinapanau id Kuala Lumpur.

Daamot dilo ka disio ginumu mogigion Malaysia id poimpuli pogun diti minomonsoi ikrar potoluod suang tinan nokoingkawas monikid toun mantad 10,081 tulun di toun 2006 kumaa 20,377 tulun ontok toun 2010, 31,055 tulun (2011) om 37,093 tulun di toun nakatalib.

“Gisom tadau ko-31 tulan Koiso toun diti, soginumu 289,303 potoluod suang tinan mamatos potoluod suang tinan diolo, ilo nopo nga 0.9 pihatus mantad ginumu mogigion id pogun diti,” ka disio.

Mantad ginumu dilo 47.6 pihatus tinaru Cina, India (23.9 pihatus), Melayu (24.6 pihatus) om suai-suai (3.9 pihatus). – BERNAMA

Komen


Berita Berkaitan