Sayang Sabah Facebook

Likes
Sayang Sabah Twitter

11,795

Followers

Sayang Sabah - Portal Berita Negeri Kita

Laang posiliu Sabah sabaagi “Seafood Hub”

11:17pm 25/04/2016 Maryann 0 views Abal Kinoyonon,Kinoyonon,Kota Kinabalu

20 hub makanan laut
KOTA KINABALU: Mogisuai-suai laang pikikiro papanahon sabaagi pamalanan timpu abantalan posiliu pogun Sabah sabaagi pogun “Seafood Hub” kosuang palabus tagayo pamprosisan asil om produk sada.

Montiri Pomutanaman om Pomorunan Taakanon Datuk Seri Panglima Hj. Yahya Hussin minoboros do iso mantad palan di pinapanau do Koupisan Ponginsadaan Sabah nopo nga poingkawas pidagangan taakanon rahat om poingkawas pandapatan tinimungan sasar id siktor ponginsadaan.

“Wokon nopo ababayan tagayo di pinapanau id suang ababayan sub-siktor akuakultur id siriba Ababayan NKEA-Pomutanaman nopo nga monguhup do sub-siktor ponginsadaan om potunda produk ponginsadaan tradisional,” ka disio.

Minoboros isido miagal dilo soira minonimbar ponguhatan di Puru Walai Koundangan Pogun (ADUN) Karamunting Charles O Pang Su Pin id pitimungan walai koundanagna pogun do hiti.

Tumanud disio kumponi tagayo id siriba EPP6 Ababayan NKEA gipan om maya pingisaman do kaapat-apat kumponi diti posodia karaja kumaa soginumu 4,351 tulun id mogisuai-suai bohogian.

“Miampai kotonudan do ponsijilan Malaysian good Agriculture Practice (MyGAP) om Fish Quality Certificate (FQC), produk-produk akuakultur id pogun Sabah nakaanu tinalib id pidagangan Eropah om Amerika Syarikat.

“Gisom tulan Kohopod 2015 soginumu 58 sijil pinolulus montok kabun ngawi id pogun Sabah ih ponogi pogun goos takawas montok ponsijilan MyGAP mantad 140 ginumu toinsanan ponsijilan poimpuli Malaysia,” ka disio. – SayangSabah

Apa Komen dan Pendapat Anda

Artikel Berkaitan