Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

Laang okodou kumaa di posibar kointalangan pilasu

11:25pm 24/11/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

polis-sabah-600x367

KOTA KINABALU: Pulis maganu laang okodou kumaa isai-isai nopo misosondiri kosuang puru pulis ih kaampai posibar kointalangan karait korikatan poloput kobulun do matai mantad tinimungan Abu Sayyaf id posorili pogun om kakadaian diti.

Posurujaya Polis Sabah Datuk Jalaluddin Abdul Rahman minoboros do puru pulis mogintong pointopot ahal dilo om amu miduo ginawo karait kointalangan di nosiliu viral id lama sosial, gisom poimbulai katangaban tulun ginumuan kumaa koumoligan pogun.

Jalaluddin amu poindisan do haro doti puru toi ko tulun di aiso tonggungan tumomod momonsoi andaian om propaganda montok poimbulai kororosi om katangaban mogigion pogun diti.

“Pokionuon ku toinsanan moigion (Sabah) mooi amu tumongob, amu otumbayaan om amu popouua nunu nopo kointalangan di amu otopot kumaa toinsanan puru.

“Nokopomonsoi noh pulis ruputan karait ahal dilo om nointutunan tokou noh isai dalang aiso tonggungan dilo,” ka disio kalapas nokotindapou id ababayan Deepavali kukumaraja polis Sabah do hiti. – BERNAMA

Apa Komen dan Pendapat Anda

Artikel Berkaitan