Sayang Sabah Facebook

Likes
Sayang Sabah Twitter

11,822

Followers

Sayang Sabah - Portal Berita Negeri Kita

Laang do panganas Sulu momili ‘panglima’ aiso rati, mongumbal kodaulatan pogun

11:00pm 23/03/2016 Maryann 0 views Abal Kinoyonon,Kinoyonon,Kota Kinabalu

tanduo-600x366
KOTA KINABALU: Kounsil Pimuapakatan Suluk Sabah (MPSS) minoboros do laang panganas Sulu momili ‘panglima’ id toiso-iso kinoyonon Walai Koundangan Pogun (DUN) id Sabah id pingisaman momonsoi kawagu Kosultanan Sulu id pogun diti nopo nga aiso rati om mongumbal kodaulatan pogun.

Monunurat MPSS Mohd Zaki Harry Susanto minoboros do laang dilo popokito kowowoyoon nasansagan o tinimungan dilo mogihum sokodung montok mamagampot rikoton posomputul, sabap kinoimbulaion do Kosultanan Sulu amu noiktiraf id Filipina.

“Tinimungan dilo nga nokito mumbal momirulong pomusarahan mogigion lolobi mogigion Suluk kinoyonon Sabah miampai popimboros kinalantaian nakatalib do Kosultanan Sulu.

“Mumbal yolo papakait ‘kopurimanan’ ih aanu gompoton sokiro Kosultanan Sulu koguli oturidong id Sabah. Minamatos nogi yolo iso pomorintaan kosultanan di kikowowoyoon Islam potilombus popoguli kaka kawagu koinsonongon do Kosultanan Sulu id nayatan nusantara,” ka disio id iso kointalangan do hiti di baino.

Minoboros isido miagal dilo sabaagi mongulas kointalangan Kumoduo Luguan Montiri Datuk Seri Dr Ahmad Zahid Hamidi ih ponogi Montiri Suang Pogun karait ahal dilo di kawawagu.

Sabap dilo ka disio, puru dau alansan laang okodou ontokon kumaa tulun di pointalang kopio om abarani mangakun nakaampai miampai koporintaan Kosultanan Sulu. – BERNAMA

Apa Komen dan Pendapat Anda

Artikel Berkaitan