Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

Kuut: Ruputan pulis karait tondu nosindualan amu binoros

12:04am 10/12/2015 Maryann 1 views Abal Kinoyonon,Berita Pilihan,Kinoyonon,Kota Kinabalu

tanduo
KOTA KINABALU: Kuut Takawas do hiti sinunudan do ruputan pulis karait songulun tulun ginumuan kikotumbayaan notimbal id suang pisangadan id Kampung Simunul, Semporna ontok tulan Kotolu 2013, amu binoros karait pisaapan di naantakan.

Soira minanahak kointalangan id bisara ponoruangan Lahad Datu, monguhup tupisor monoriuk Sub Insp Aziz Samet minoboros do totuong kinaantakan pisangadan dilo ko-2 tulan Kotolu 2013, nakaanu isido kointalangan songulun tondu nosindualan.

Tumanud tupisor dilo, winonsoi disio ruputan do pulis nga amu minoposuang kointalangan karait pisangadan di naantakan.
Iti minongunsub di luyor Datuk N. Sivananthan minonguhot do pisaapan dilo kapaampai sindata tapui pointopot naantakan id tanga tinimungan koumoligan miampai kusai Sulu id kampung dilo totuong dilo.

“Winonsoi ku noh ruputan do pulis karait tondu ih nosiliu mungui miagal di sinuhu dii ASP Zairolnizal Ishak (Boyoon Bohogian Ponoriukan Kasalaan Tawagat Semporna),” ka disio soira pinokianu dii Sivananthan manahak kointalangan nokuro tu kointalangan pisaapan dilo amu rinait id suang ruputan pulis.

Minoboros ih Aziz miagal dilo soira nuhot id bisara 30 tulun ih haro kogoitan ponoruangan kusai Sulu kisindata id Kampung Tanduo, Lahad Datu ontok tulan Koduo 2013. – BERNAMA

Apa Komen dan Pendapat Anda

Artikel Berkaitan